لازم نعسو رواحنا واش نقولو...كي رحت للعرس..

السلام عليكم
واش راكم وشحال راكم ومعامن راكم
ان شاء الله تكونو بخير


المهم حبيت نحكيلكم على اليوم كي رحت للعرس وواش صرالي ووعلاه صرالي
وان شاء الله تقراوالموضوع من الاول للتالي وما تكرهوش قبل ما تكملو


ايوه.......نبداو......
قالك كنت قاعدة في امان ربي بانتلي نروح للعرس
وجدت روحي مشطة خفيفة لشعري ولبسة خفيفة ورحت معا العايلة
وصلنا للعرس قاعدين شطحنا شوية جمعنا شوية وبلا ما ننسى علقنا شوية
لاخاطر بيناتنا ماكانش اللي تروح للعرس وما تعلقش الله غالب هاذو هوما احنا
المهم كنا قاعدين سرباولنا قهيوة وقاطو
بانتلي على قهوة كحلة اديت وحدة ...ايا كي شربتها ما نكذبش عليكم
بيني وبين روحي قلت اوووووف هاذ القهوة غير الما
قلت العشية كي نروح للدار ونروح للمة نجبدو موضوع على هاذ القهوة
ايا انا فاش شربت الكوبة الاولى كيما يقولو الرجال وهي تقلبت عليا
راكم تشوفو و فهاذاك الوقت قلت اوووف انا دروك كيفاش ندير وانوض نشطح تبهديلة
قلت سووووووووووووووووور ضربوني بعين
لكن والمهم والحاجة اللي حبيت نوصل ليها من هاذ الوضوع
هي اني كي رجعت للدار وقعدت بيني وبين روحي قلت وعلاه يا طفلة تعلقي على القهوة نتاع الناس
قلت باينة ربي خلصني كي قلت قهوة غير الما قاللي امالان والله ماراكي شاربتها
وعلى هاذا لازم نقول لروحي ونقولكم ليكم مالازمش نعلقو على الناس
كل واحد وكيفاش داير وكل واحد كيفاش يطيب القهوة وكل واحد على حساب مقدورو
وهاذي ماشي غير على القهوة يعني لازم نعسو رواحنا واش نقولو ونعرفو واش نقولو
وربي يهدينا ولا يدينا
ان شاء الله الفكرة تكون وصلتكم
واش رايكم ؟؟؟صح ربي خلصني ياك؟؟؟

* منقول للفائدة*

هذا هو حال الناس متكلمين متكلمين إلا قامو بيهم يقولوا متكبرين و يوريو رواحتيهم و إلا كرموهم بشيء قليل قالو مشحاتين و بخالاء الله يهدي الجميع
أما العينين كلها تتبع : شوف فلانة واش لابسة و فلتانة كي ماشطة و هادي مرت فلان و هاديك بنت علان و كل وحدة توري في روحها هدي لبسات و هدا ذهب يتوزن بالكيلو و للحديث بقية ...

مغسيييييييييييييي على الموضوع والله حقيقة نشوفها وتبعتنا وخاصة الانات ولا الدكور صح يحكو بصح مشي كما حنا الى ما علقنا ولو بحاجة صغيرة حتى الى ملقيناش لعيب نخرجوه في بنادم
الله يهدينا ويغفر نا
مشكورة على اللمسة وديري بالك لمرة جاية تخلصي اكتر