نكت مضحكة جدا

هذه بعض النكت الجميلة

هيا قالك هذي وحد المدرسة حابسين نتاع الصح من المدير حتى للتلاميذ
وحد النهار جاهم المفتش دخل للقسم نوض واحد سالو في التربية الاسلامية سؤال
قالو : من كسر الاصنام
قالو التلميذ : الشيخ والله ماني انا
المفتش مافهم فيها والو قالو يا وليدي غير سالتك برك قتلك من كسر الاصنام
التلميذ قالو : والله والله والله يالشيخ ماني انا
دار المفتش للمعلم قالو واش بيه هذا
المعلم قالو : عندو الحق ماهوش هو لي كسرهم انا نعرفو طفل عاقل وقراي
المفتش مافهم في والو تقلق طلع للمدير ...لحق ليه قالو واش راه صاير عندكم هنا
المدير قالو غير الخير
قالو المتش : سقسيت التلميذ قتلو من كسر الاصنام
قالي والله ماني انا
سقسيت الممعلم قتلو : واش بيه التلميذ نتاعك
قالي :ايه عندو الحق ماهوش هو
هيا المدير قدم للمفتش وقالو : ماتدير عليهم ماوالو قلي برك وشحال السعر نتاع الاصنام هذو وانا نسلكهم .............

وهذه نكتة اخرى

هيا هذي وحد القرية فيها امام يطول بزاف في صلاة الجمعة يحكمهم من 12.00 حتى 2.30
عادو كل ماتلحق الجمعة تحكمهم الخلعة هيا تلاقاو الشيوخ لكبار وتفاهمو ينحيوه ويجيبو امام ثمثم يعني صلي وارفع صباطك
هيا الجمعة الاولى مع الامام الجديد جاو داخلين للمسجد قالهم:
قبل ماتدخلو تعرفو قصة سيدنا موسى ولا لالا ؟؟؟؟؟؟؟
قالو :نعرفوها
قالهم :ملا خلاصت الجمعة نتاع اليوم
جاو خارجين عاجبهم الحال مع الامام الجديد
هيا قبل مايخرجو قالهم :اصبرو اصبرو قبل ماتروحو ؟؟؟
تعرفو قصة سيدنا عيسى ولا ماتعرفوهاش ؟؟؟
قالو :نعرفوها
قالهم :ملا الجمعة الجاية غير ماتجيوش ..................

1- قالك واحد يدرس فلسلفة.. قعد مع باباه يتعشى وكانت جاجة محمرة مزهية
المايدة.. قالواا باباه واش معنى فلسفة...الابن حاب يفسرها تفسير يفهموا باباه ..
قالوا بابا راك تشوف في هذا الجاجة كون نبدأ نتفلسف عليك نقدر نقنعك بلي
راهم 2 جاجات ... ايا الاب جبد الطبسي نتاع الجاجة ليه.. وقالوا وليدي انا نآكل
هاذي وانت قنع روحك بالثانية وكولها..

2- واحد قاعد قدام جسر ويحسب 22 ويكرر فيها ... جات واحد العجوزة قاتلواا
وليدي واش دعوة 22 .. السيد قبضها ورماهااا من الجسر وكمل يحسب 23 ...

3- ملك حاب يصنع اجمل ثياب في العالم...جاب مجموعة تخدملوا الثياب وقالولو ا
بلي رح يصنعولوا اجمل ثيابما يشوفها غير الذكي .. قالهم الملك عليكم نحوس..
ايا قعدوا شهر يآكلوا ويتقلشوا في قصر الملك ودايرينا على الزهو ..
ايا جاء موعد تسليم الثياب ... قالهم الملك كي فتحوا العلبة وكانت فارغ والله غير
فور وهو مكان والوا حتى ما يكونش غبي في نظر الحاشية ... ايا لبسها قدام مرتواا وهو مكان والواا... خافت ليطلقها قاتلو الله باهية وماشفتش كيفها... خرج للوزير .. كي شافوا الوزير .. خاف ليقتلواا قالوا الوزير واااااااااو احسن ثياب شوفتها..
نتوما تاني عارفين واش راه لابس

4- قالك حراقة مشاوا من دزاير ومعاهم 2 موتور ايا الموتور لول جبد جبد وصلهم
نص طريق وحبس ايا ركبوا الموتور الثاني .. ونوضوه لقاوا رواهم راجعين لجهة دزاير ... عندو غير مارش آآآآآآرايار marche arrière . ماعندهومش الزهر

5- واحد شرى سيارة من 4*4 قـعد امام مقهى يتقلش بيها جا واحد شيخ شاف 4*4 وهزحديدة وأكتب =16 بعدها خرج الراجل وتقلق كيفاه سيارة جديدة تزنجر بعثها للمصنع عاودو صلحوها وزاد حطها امام مقهي وبعدها جاء نفس الشيخ وحار
قال كيفاه السيارةمليحة والراس فارغ مايعرفوش 4*4 شحال تساوي بعدها هز
حديدة وكتب = 16 خرج الراجلوكيشافها تقلق ولا بعثها للمصنع وقالهم ديرولي =16 وتحفوها راه كاين واحد هبلني المهم خدمولو السيارة وقعد امام مقهى متهني بلي ما يصرى والو جاء صاحبنا الشيخماشي وكيشافها قال بلي مول السيارة تعلم هز حديدة وأكتبلوا احسنت ت ت ت ت ت وممتازواصل. انتهى.

6-قالك مرة واحد الراجل راح يشري كبش العيد و أدا معاه حبل ( كوردا ) , كي جا راجع جاء كارد الحبل في راس الكبش و يكر فيه
أيا كي لحقوا عند الباتيما الراجل يجبد.. و الكبش يجبد .. الراجل يجبد.. و الكبش يجبد .. الكبش هز راسه شاف نعجة في البالكون قال للراجل:
أصاحبي بركا ما أديرلنا في السمير...أقلع الكوردا نطلع وحدي !

7-طويلة وشابة
هذا واحد عجباتو وحدة الشيرة طويلة وشابة ... كل يوم يشوفها بلا ما يهدر معاها وحد النهار عول يهدر معاها قالها صباح الخير يا الزرافة الشابة قالتلو حاشاك أنا ايقولولي لغزالة قالها ماعليش كلهم حيوان
8-سمين
قالك واحد سمين بزاف تبارك الله ...مشا يوزن روحو..أيا كي وقف فوق الميزان ..خرجتلوا وحدة الورقة مكتوب فيها ""خاوتي ..اركبوا بالواحد الله ايخليكم""
9-اشهار
قالك مرة واحد قالولوا مثل لينا اشهار مع السبع كشغل حاب ياكلك وامبعد انفهموك كل شئ قالهم السيد معليش ..بصح فهموا السبع الاول ومبعد كل شئ ساهل
10-بيضة
قال واحد مرة جابو فرنساوي وماريكاني وجزايري ... وجابولهم بيضة كبيرة وامبعد سقساوهم لمن هذه البيضة .. جا الفرنساوي قالهم نتاع تمساح ..قالولوا لالا .جاء الماريكاني قالهم نتاع ديناصور ..قالولوا لالا مبعد جاء الجزايري قالهم وين لقيتوها قالولوا عند الراية ..أيا قالهم هذي ما تكون غير نتاع التران (train)

وهذه نكت اخرى ربما تعجبكم

1/ قالك جزائري بطال دخل لمقبرة في اليابان لقى مكتوب على القبور زاد سنة 1910 توفي سنة 1970 وعاش 5 سنوات داخ وراح سقسى العساس قالوا كيفاه زاد في 1910 ومات في 1970 وعاش غير 5 سنين قالوا العساس 5 سنين يعني نهارات الخدمة الحياة عدنا هي الخدمة نتاعوا. الجزائري خزر فيه وقالوا على حسابك حنا رانا مازال ما زدناش

2/ قالك جزايري قاعد مع واحد ماريكاني في قهوة وحاطين زوج قهاوي المريكاني حب يستهزى بالجزايري وقالوا حاب نسقسيك وش كاين بين الجزايري والمريكاني. الجزايري خزر معاه وقالوا كاين طابلة

3/ قالك وحدالامير كان عندو فيل هذاك الفيل فسد الزرع نتع الفلاحين ديما يفسد وهما ماقدرو يقولوا والوا للامير يخافوا منوا، واحد النهار جا واحد كوراج ما يخافش قالهم انا نهدر مع الامير بصح بشرط تروحوا معايا وكي نبدا نهدر انا لازم تهدروا معايا قالولوا خلاص تفاهمنا.
كي دخلوا للامير وقف هذاك الكوراج هو اللول والفلاحين موراه. قالوا ياسيدي الامير الفيل نتاعك وسكت يستننى في الناس يهدروا زاد عاود قالوا يا سيدي الامير الفيل نتاعك وسكت الناس ما حبوش يهدرو شاف معاه الامير وقالوا اهدر وش بيه الفيل نتاعي .قالوا يا سيدي الامير الفيل نتاعك لازمتلو فيلة

4/ قالك واحد حياتوا كامل وهو ياكل في اللوبيا وكي يجي ياكل ما يقولش بسم الله الشيطان ياكل معاه واحد النهار جاء راح يبدا الماكلة خرجلوا الشيطان وقالوا يا صاحبي نتا قع ما تقولش بسم الله

5/قالك الطبيب دخل لغرفة نتع مجانين لقى واحد يضرب في راسوا ببليغة سقسى الفرملية وش بيها قاتلوا هذا كان يحب وحدة ومتزوجهاش خرجو ودخلوا في غرفة وحد اخرى لقى واحد يخبط في راسوا على الحيط قالها وهذا وش بيه قاتلوا هذا اللي تزوج بالمرا اللي كان يحبها لخر

6/ قالك جماعة زاطلين قاعدين تحت باطيمة يتكيفوا خلاصلهم الزلميط بعثوا واحد يجيب دار على الباطيمة ورجع لصحابوا وقالهم ياجماعة ما عندكمش زالميط قالولوا اقعد رانا بعثنا واحد يجيب.

7/ قالك مرة واحد ديما تسقسيه صاحبتو: واش تغديت? يقولها: لوبيا .ديما هكا .واحد النهار قالوا صاحبوا: اكذب شوي قولها تغديت شواء . كليت كفتة . تغديت بيتزا .....
ايا هذاك خدمتلوا قال و الله عندو الحق . الغدوى هذيك سقساتوا صاحبتوا: واش تغديت ? قالها :بــيــتــزا قاللتلوا :واش مليحة (بنينة)? قالها : و الله كليت 2 مغارف شبعت

8/ قالكم كاين واحد عندو الغنم بزاف بزاف بصح ما يصليش واحد المره جاه الامام تاع المنطقة نتاعو وقالوا انت لوكان تزيد تصلي الغنم نتاعك يوليو الضعف مالا هذاك السيد داه الطمع و عاد يصلي باه يزيد العدد نتاع الغنم وكل مرة يصلي يموتلوا 4ولا5والسيد صابر يقول ضرك يزيدو ضرك يزيدو حتى بقى ليه كبش واحد فات عليه والكبش يقول بع بع بع بع بع بع بع ما حبش يسكت دار عندو السيد وقالوا :بلع علي فمك تزيد تهدر نصلي عليك 2 ركعات نجيبك ميت

وهذه نكتة أو عبرة للفائدة وأرجو ان تعطو رأيكم حول ذلك

لـم يستطـع إحد الإجابـة عليـه

إنـه سـؤال عـالمي لـم يستطـع إحد الإجابـة عليـه

تم مؤخراً إجراء إستبيان عالمي من قبل الأمم المتّحدة

و السؤال الذي سُئِـل كان
:

رجاءاً ممكن أن تعطي رأيك حول نقص المواد الغذائية في بقيّة العالم؟

وقد فشل السؤال الذي ورد في الاستبيان فشلاً ذريعاً للأسباب التالية

في أفريقيا: لم يعرفوا ما معنى غـذاء

في أوربا الغربية: لم يعرفوا ما معنى نقص

في الشرق الأوسط: لم يعرفوا ما معنى رأي

في أمريكا الجنوبية: لم يعرفوا ما معنى رجاء

وفي الولايات المتّحدة: لم يعرفوا ما معنى بقيّة العالم

مع تحيات hamid

نمضي ويبقى الأمل...