اشتاق لي

المشتاك يطفى بماي عينه ويشتعل بجروح اديه
ويضحك بوجه الضنون بغير كلبه ويبتشر والبيه بيه
الماي يخطف على الجروف وداع صدفه ويعتني بهرش اليبس ما يعتنيه
اشتاك لي
اليعثر بظله يموت صاحي والعيش بلاي وعيه بغير ظل
الشوك من ينبت بسكه يبات وابن ادم يزل
اشتاك لي جروحي غلاتي وعيبي صبري
ودفلتي السكته وحشتي بلاي هم
وحجتي الفشله التطشلي اتراب ما يفراش لم
وهمي دنيه انبعت بيها بغيرك انته
وشنو معناة الجرح من غير دم
ولك اشتاك لي
تخضر ضنوني بكاع صبخه
ويشبچ رموشي على طرواك الجفن
وتشرك شموسي بحضن ليلك نهار
ويحضن الغايب هوة الحاضر حضن
وتطفح البسمه على بال المبتلين
الماي يضحك من تشك صدرة السفن
الماي يضحك من تشك صدرة السفن

مشكورة على الموضو ع

نورتوا